woidfiadla in da rei
text: w.v.wizlspergermusik: heinz ditsch
1. so noch an hoatn togesritt schneid i gean wiaschdln ei
do dsind i ma a feial au und schdö ma auf di rei
da mond ged auf, is wossa kocht, und scho schwimman drei
woidfiadla in da rei
2. di ressa hawan howan gean, karottn frißd da hos
da hund kiefüd an gnochn o, di kia beißn ins gros
i bin hoid auf wiaschdln haß und hob a imma drei
woidfiadla in da rei
jetzt alle:
wiaschdln mid gree, wiaschdln mid sofd: woidfiadla miassns sei!
3. da bär, da woif, da lux, da fux, hiäne und schakal
san schbiz auf meine woidfiadla, i find des gauns noamal
si lossn jeden bison schde fia ane von de drei
woidfiadla in da rei
4. waun d'zeitn amoi moga san und dia is di brerii
daun reit i zu mein schwoga ham auns eck von wounded knee
hängt ea mia daun an wuaschdgraunz um daun bin i gean so frei
nua woidfiadla miassns sei
jetzt alle:
wiaschdln mid gree, wiaschdln mid sofd: woidfiadla miassns sei!
5. im wüdn westn wiasd ned oid, gauns wuaschd wiasd di eaneasd
wichtig is daß d' schnöla bisd und's grasal wochsn heasd
waunsd laungsaum oda dearisch bisd daun kochns di glei ei
wia woidfiadla in da rei
6. liegn mia amoi di neavn blaunk und blaunk dsiag i den koit
kauns sei das i da deschek bin und mi da geia hoit
ea bind si scho is bartal um und gfreit si auf di drei
woidfiadla in da rei
jetzt alle:
wiaschdln mid gree, wiaschdln mid sofd: woidfiadla miassns sei!
7. schee laungsaum ged is feia aus, di nochd is kloa und koid
i gschbia daß's jezz auns schdeabm ged, wia da newü laungsaum foid
i los a guade nochred dsrugg und dazua a no de drei …
gemeinsam:
wuaschdheidln in da rei, wuaschdheidln in da rei, wuaschdheidln in da rei