wiener paarreimmassaker

text: w.v.wizlsperger
musik: paul skrepek


1. schbüns im radio blosmusik
regd si auf di dschesskritik
gangads noch mein eignan wün
dadns nua heinz conrads schbün

2. a bangal schded im besalbak
das hod ka lene und kan lak
oft besids is vüle schdund
waun i s reiß, schead si ka hund

3. da schuasta auf da erdbeagschdroßn
hod si in mei frau vaschossn
is schuastan gfreid eam ned so recht
obwoi as sea gean schnaksln mecht

4. da schuasta auf da erdbeagschdroßn
hod si in mei frau vaschossn
schuastan schdrengd eam zu sea au
nua guat das a no schnaksln kau

5. wer nicht wagt, der nicht gewinnt
und wer verzagt, mochd nie a kind
solaung da wein in d' gurgl rind
und jedes no di wonung find
moch ma drei, via, fümf so baungad
in dem foi das ans eagraungad
häd ma vire imma no
i frog mi nua, wer brauchd des scho?
trottln gibds zwoa eh scho gnua
trozzdem moch ma an dazua
wiads a madl, tausend rosn
kauf ma ia a trainingshosn

6. sche woas neilich nochd mid dia
sche woas neilich nochd mid mia
sche wos freilich efta scho
meistns oasch is sowieso

7. und der häuptling der abatschn
mocht aus bisonhaud sich batschn
auf soiche beg schded a sis sea
waun as aufdrad: nimmamea

8. liegsd am bodn und knian auf dia
drei kiwara vom alarmrewia
kriagsd ka lufd und sogsd niggs mea
mochn sa si doppüd schwea

9. is bundeshea hods a ned leichd
di kämpfa san gaunz aufgeweichd
und ist dann die flasche leer
schbün sa si min schduamgeweaü

1o. jo is lebm des is a hit
haubdsoch is, du mochsd dein schnit
am besdn glei ins eigne fleisch
di schensdn san di middogsreisch

11. weusd is schiggsoi ned biagn kaunsd
drum nimm da, wosd griagn kaunsd
los augland di mazda, büscho und merzedes
häng da an um und geh ham per pedes

12. i hob im lebm ned vü zum lochn
tua nua woschn, bügln, kochn
gschroppn kampün, kiachn geh
drodsdem find is lebm sche

13. i hob im lebm ned vü zum lochn
tua nua woschn, bügln, bochn
hausfreind, keks und linzaaugn
kostns ruig, si wean scho schaun

chor: gemma schaun, gemma schaun
ob da lewakas scho schimmüd
weu da greißla eam auhimmüd
und aus liebe ned vakaufd

solo: a schdod volla trottln
am laund lauda gscheade
gast: und ole sans fett wia di russische erde
chor: jo, ole sans fett wia di russische erde