von weid sama kuma / come a long way
kate mcGarrigletextübertragung: antonio fian
1. von weid sama kuma beim leztn moi
weida mias ma no geh.
blumen woit i bringa scho beim leztn moi,
owa d' bluman san vakuman, begrobm untam schnee.
2. hosd is a midn greids? is ned ollas a greids?
warum trog mas net zsaum, mia san zwa?
warum hoglts, wauns schneibm soit,
und wauns schee sei soi, schneibds?
i waß und du waßd, sei greids trogd jeda ala.
3. wie ma aufbrochn san, woit ma gaunz weid fuat,
a wöd hauma gsuacht, di uns baßd.
owa baßd hod uns imma nua da söwe oide huat.
i waß und du waßd, wos im kras geh haßd.
4. kumm, dring ma auf des, wos zgrund gaunga is!
wos guat davo woa, des soi lebm!
vielleichd schded muagn auf, was zgrund gaunga is,
und de wos zgrund gricht haum, schdengan muagn bled danebm.
abschied
umoam mi no amoi, länga kaun i ned bleibm.
bleib gsund, bleib wiasd bist und baba.
i waß, mia haum versprochen, mia wean uns schreibm.
i waß und du waßd, du vagißt is a.
von weid samma kuma beim leztn moi
weida mias ma no geh.
blumen woit i bringa scho beim leztn moi,
owa d' bluman san vakuman, begrobm untam schnee …