siebdsen köna
text: kurt herbert, w.v.wizlspergermusik: kurt herbert
1. glei noch da foiksschui haums mi bensioniad
glaubms ned i häd daun nua mea tachiniad
i hob ma gauns an schdrengan dienstblan gmochd
i schlof am dog und sauf di gaunze nochd
wauns sei muas moch i iwaschdundn a
daun schlof i ned und sauf dafia fia zwa
und is da wiat daun scho leichd enawiad
gwö i eam dsfleis no mid mein lieblingsliad
i schrei: mochds do kan bflanz
jezand schbüd di musi no an oidn taunz!
refrain:
jo wos is mid an bia mid an schneeweissn fam
siebdsen köna miassn kuma de uns aussewuzln tan
holari halo holari halo weu ma echte otnagringa buama san
holari halo holari halo weu ma echte otnagringa san
2. in ledsda zeid fü i mi ziemlich schwoch
das i scho mühsaum wia sogt ma mia noch
a jedes glasl foid ma aus da haund
i lan nua do und wischal ma ins gwaund
de wiatn schdön ma ole auf an baam
weu wuaschd wosd saufn tuasd an daung hosd kaan
i brauch kaan daung ned und mia duad niggs laad
i hob mei lebdog laung brav oweglaad
owa ois ged faluan
is letzte griagl is a hansl wuan!
refrain:
jo des woa s letzte bia mid an schneeweissn fam
und sechs schwoazze wean jezd kuma de mi aussewuzln tan
und di leid wean sogn wauns mi aussetrogn
sechts do fians an echtn oidn otnagringa haam
und di leid wean sogn wauns mi aussetrogn
sechts do fians an otnagringa ham …