schee is wos aundas

text: antonio fian
musik: heinz ditsch

1. schau, da woid in die heabstfoabm, schau, am berg drobm scho schnee
schau, wias untageht, d'obndsun und si spiaglt im see
schau, wias springan, die saibling, siachst am bam duat den specht?
des is ollas recht uandlich, des gfoid man ollas ned schlecht

refrain:
owa schee is wos aundas, schee is mit dir
deine schwitzadn ochsln, dei gschmock noch vier bier
deine aufgsprunganen lippen, deine aufgriewanen knia
schee is wos aundas, schee is mit dir

2. schau, wias blian, d'margaritn, es mocht goa nix, das fäun
und schau, die klan hendaln, wias ausn ei aussekräun
schau, im tierpark die pantha, und im zirkus die clown
des is ollas gaunz uandlich, do is scho wos draun

refrain …

3. schau, die kinda am schbüplotz, wia sie lochn und schrein
und sie weh tuan und wana, so is, so muas sein
und jetz faungts au zum regna, siegst den regnbogn duat?
des is ollas recht uandlich, des gfoit ma ollas recht guad

refrain …