seyringa sandlaschdoiz
w.v.wizlsperger

gens gengans hea amoi gnä frau
und mochns ina ned ins hosal
schauns ina ruig mei ölend au
und hauns an eiro do hinein in dieses dosal

wos sogn, gnä frau, ich soll mich waschn?
i schdink wia 10 tog mülidea?
jezz greifns owa schnö hinein inare gutschidaschn
fia diese frechheit reibms jezz glei an fünfa hea

na, oda no bessa glei an dsena
gebms inan heazal doch an ruk
i kaun sofuat dsum wiatn rena
und si haum i guads gwissn dsruk

wia bauns is sunst au, ina geaschdl?
fia foitngrem und hod kutia
und depat schaun im bale feaschdl
do is do gscheida si gebms mia

draußn in seyring
kenn ich an glanan heirign
is viadl kost ansfuffzich
und wiad von ole globd
geh i duat eine
hasds nua 'gscheada, buzz dich!'
weu i hob fria amoi jorelaung
a vuaschdrof ghobd

wos sogn, gnä frau, i soi wos hakkln?
nau, so gsegn in dem sinn haums jo recht
ich bikkade sehr gerne wieder sakkln
nua, wissns eh, di moaktloge is momentan
grod katastrofal schlecht

wos, waun i frogn deaf, mochn si denn
wauns ned grod ina hundsviech eissaln fian
sans si a hofrodswitwe? oda goa gschieden?
tans in da rentn jezz a bissal jus schdudian?

ah so, si schdehn noch im berufslebm
treuhänderin in wiadschafdssachen
sogns, woins is barawan easchd daun aufgebm
wauns inan ledsn schnaufa machen?

renans ned weg, sans ned glei augriad
legns doch an dswanzga bei mia au
daun schau ma wia a laungsam mea wiad
weu is göd bekauntlich a sea fleissig sei kau

draußn in seyring
kenat i an glanan heirign
is viadl kossat nua ansfuffzich
und wiad von ole globd
geh i duat eine
daun hasds nua 'gscheada, buzz dich!'
weu i hob fria amoi jorelaung
a vuaschdrof ghobd

a grindigs fuffzgal, sans wo augrend?
haum si an schdich in da marün?
sans im solarium leichd aubrend?
dsua schdrof wiad der herr heinz
jezand ein hamonigasolo schbün
das ina di dauawön aufdrad
si siriche schasdrommü si ölendigiche

retour