oid + blad
text & musik: paul skrepekhobts gheat es hod an grocha gmocht
de spotzn haums eh scho vo de dachln glocht
warum muaß i's ois letzta hean
do nutzt ka schimpfn, do nutzt ka rean
de woame sun woa plötzlich koid
do denksta daun do gehri hoid
so siaß und liab woa des vagnügn
i bitt eich goa sche i wüs ned drübn
weu olles wos si wirklich wü
i glaub i hobs gaunz guat im gfü
is trautes glück und harmonie
a wenns da denkst es is ois hi
refrain:
oid und blad woit i mit dia wean
vielleicht a bissal vur dia schdeabm
weu ohne di gibts kan hamua
jeden tog sog i mas vua
i woit oid wean nua mit dia
sogs doch a amoi zu mia
wos mia no glocht haum üwad leit
wia a kind hob i mi gfreit
gaunz hamlich hod mas herz zadruckt
i bin daun imma a stickl zuwegruckt
i woits ned hean i woids ned gspian
i woitat ned de sun valian
waunst rechnst wia de zeit vageht
gibs zua a dia wiads maunchmoi zbled
de ewig gleiche prozedur
do kauns passian do kummts hoid vua
doch kränk di ned es geht vuabei
warum i waan i sogs da glei
refrain:
oid und blad woit i mit dia wean
vielleicht a bissal vua dia schdeabm
weu ohne di gibts kan hamua
jeden tog sog i mas vua
i woit oid wean nua mit dia
sogs doch a amoi zu mia