nachrichten aus der kochnische

text: w.v.wizlsperger
musik: heinz ditsch, paul skrepek


i bin von haus aus ea skeptisch
nua ois wos gschriebm schded glaub i blind
gaunz besondas kochrezepte
sogar wenn sie aus deutschland sind

an bratklops, broiler, fritten, eisbein
satt tunke ran und lecker weißwein
an sülze und möhren tüchtig sahne
und in dresden: schön banane

a gulasch kocht si ned vo söwa
und wea des sogt hod nie ans gmocht
in ola fruah scho schneidsd den dswiefü
und gessn wiad um mittanochd

joi, da soft is fett und schoaf wia imma
da schmoizgruch hängt no schwea im zimma
ah, des fleisch des dsafoid vo alanich
gulasch kochn: ja, das kann ich!

sea vüle schwörn auf magarine
fettredudsiad, sogoa fettfrei
waunsd a fett frißd wos ned fett is
daun magariasd di söwa ei

ja, weill butta darf man nicht ersezzn
fia an schrudl muasd den füz dsafezzn
und a bauchfleisch hod letzlich nua an sinn:
uandlich fett sei, und ka fleisch drin!