mei schutzengal
text: w.v.wizlspergermusik: paul skrepek
mei schutzengal is scho seit längara dseid
auf ualaub oda auf kua
es liegd in da sun und dsum dseidfadreib
schauts den kolegn beim schüzzn nua dsua
und de schüzzn und schüzzn bei dog und bei nochd
nua meins hod seit joan scho
kan anzign haundgrif mea gmochd
di dauwaln am himmü, im wossa de fisch
dswa wochleid, a messa, und drei dopla am disch
jo, des san olas engaln und de schiggd uns da hea
nua meins is auf reisn und kumd ned dahea
beim boch unt di grodn, a feichd woama dog
a falängada schwoazza, a sacha mid schlog
a banta auf braudschau, a hian mid dswa eia
a siebmgängigs essn, sea guad und ned dsdeia
d' elefauntn mid riassln, bis dsu drei metta laung
a kiwal foi koin und a liachd aufm gaung
jo, des san olas engaln und de schiggd uns da hea
nua meins is wasgodwo und kumd ned dahea
a madl auf schdözzn, mid an bissal an gree
a augsogta dreibaund, a kuma und a geh
a hemd a frisch gwoschans, geschdeaggd und gebiegld
a briafal von ia, dreimoi fasiegld
a hoa aufm boisda, des hods gestan faluan
zwa hasaln im schne, und a heulicha dsuan
kinda von aundre, hosn mit gnepf
a hin und a hea, dswöf edlschdoidepf
a hund mid drei haggsn, mea tuan nua ois ob
a handschuach im woid und a eahliches lob
a dsaumgschwabde lewa, a dsuaghaude tia
a schüdgrod, a baunza und a guakal im gnia
jo, des san olas engaln und de schiggd uns da hea
nua meins is beleidichd und kumd nimmamea
i schdö mi in a ekkn und i rea rods und wein
weu mei schutzengal tritt in den ruheschdaund ein!
mei schutzengal gehd in di rentn
in frübension wengan heaz
drum werd ich mein leben beenden
nächstes joa am neindsentn meaz