iwaroi wochsn d' hoa
text: w.v.wizlspergermusik: heinz ditsch
1. wia dsfrua oda dschbäd is wauns daun amoi dseid is
wia groß muas a hemd sei das' ums euzal ned baßd
waun wea ma denn do sei wauns eh nimma weid is
wos kau ma ois ned wean wau ma graudwaschl haßd
2. wia fü is grod dswenig wia wenig is gnua
wia laung is fia imma und nimd des ewich ka end
foan d leid mea auf ualaub oda gengans auf kua
und haum ma ole in scheabm auf waun da huad nimma brend
refrain:
i waß ned, i waß ned, do braud si wos dsaum
iwaroi wochsn d' hoa owa niagands a kaum
jo, da mensch is wos müabes und olas is eitl
und kaum wad a lüftal scho schreins noch an scheitl
ob frisua, ob rasua, es hoidn beide ned laung
iwaroi wochsn d' hoa, owa niagands a kaum
echo: iwaroi wochsn d' hoa, owa kaum wo a kaum
3. wos muas ma ois glaubm, bis das ma sogn kau i waß
wo soit ma wos hidrogn, wo kennt ma wos flauchn
wia fü muas ma wissn, bis das ma glaubt jedn schas
und warum griagn nua de wos, de wos eh niggs mea brauchn
4. warum biggd ma kachln wo hi wo's ned schbrizzd
wia fü kost a kostn wau ma d' kostn hoibiad
wos mochsd mid an moßschuach, dea wos nua tadllos sizzd
und is des ois nua a theata wos a drama auffiad
refrain:
i waß ned, i waß ned, do braud si wos dsaum
iwaroi wochsn d' hoa owa niagands a kaum
da mensch is wos müabes und olas is eitl
und kaum wad a liftal scho dsiagns da an scheitl
ob frisua, ob rasua, es hoidn beide ned laung
iwaroi wochsn d' hoa, owa niagands a kaum
echo: iwaroi wochsn d' hoa, owa kaum wo a kaum