hasta siempre, roberto
text: w.v.wizlspergermusik: carlos puebla
dei gschau hod goa niggs von an hödn
dei schdim baßd ned in a kasean
waun du lochsd daun ged di sun auf
und waun du wansd regnds glane schdean
jezz rind scho fümfasechzig jahrln
dei bluad duachs hian bis in di wadln
nau und liegn a di kumaln im koma
ana schded no: robeat somma
jetzt loßns ole heulich krochn
und betn schdua drei mia san mia
kum daschias mas mid dein lochn
und bok mas in a briafbabia
a deine hoa wean amoi weiß wean
und dsidrich deine zoatn händ
ois ausranschiada augustina
griagsd daun von d' koahean dritte dsänd
jo, dei heaz soi bumpan hundat jahrl
is bluad ins hian und in di wadln
und liegn ma daun ole im koma
hasta siempre robeat somma
man hört jetzt von der hohen warte
der sommer geht in pension
und mochd daun glei gegn ende juni
oktobarewoludsion
waun mia so wan ois pensionistn
so jung, so wüd, so voller wissn
mia gangadn a glei in d' rentn
lieber robert, wau ma kentn
de gfrasta haum si olas eignad
di wöd den himmü und a d' hö
wauns daun endlich bensioniad wiasd
woins gaunz am schluß a no dei sö
waun mia so wan ois pensionistn
so jung, so wüd, so voller wissn
mia gangadn a glei in d' rentn
lieber robert, wau ma kentn
jo, mia gangadn sea gean in d' rentn
lieber robert, wau ma ken ta dn