fridattncouplet
text: w.v.wizlspergermusik: heinz ditsch, paul skrepek
auf mein beischdödischal daunzn d'süwafischaln
in da suppm drinan übm d' fridattn schwiman
und unta da oiddeitschn komodn, do schrein und vamean si di grodn
chor: so a kostn kost d' höfte wau ma d' kostn hoibiad
untan schbizndekal schbüt a schnek vaschdekal
auf di zimmapflaunzn jausnan d' feiawaunzn
nua wegn mia brauchad i ka bideh
i los trotzdem schdeh fia meine wossafleh
chor: is bideh des bleibt schdeh fia di wossafleh
nau und di vichaln san gliklich und a mia geds ned schlecht
eine ordnung muss sein, aber artengerecht!
chor: a uadnung muas sei, owa oatngerecht!
eanan eignan wün haum meine hausschdaubmübm
daß sa si ned vakün, dans hintan ofal schbün
und in di eimochglasln in da schbeis
do nisdn seit joan hundat honigleis
chor: in da schbeis in di glasln do nisdn die leis
in mein tintnfassl schloft a köllaassl
in mein sundogsbrodn san am mondog d' modn
in mein aundsug foad a wundaschene grottnbaun
wos si di mottn duat ledsdes joa gauns gschiggd eibaud haum
chor: di mottn foan grottnbaun seit das is haum
und di vichaln san gliklich und a mia geds ned schlecht
a uadnung muas sei, owa oatngerecht!
chor: jo, a uadnung muas sei, owa oatngerecht!
mottn, modn, rozzn, meis
hausschdaubmübm, fridattn, leis
schbinarinnen, grodn, waunzn
ole gfrein si, ole daunzn:
d' glanan süwafischaln daunzn meistns offn
und da kakalak dea daunzd am bestn bsoffn
den takt dazua tan brav di köllaassln
midn köllaasslschlisslbundal rassln …
nau di vichaln san gliklich und a mia geds ned schlecht
a uadnung muas sei, owa oatngerecht!
jo, a uadnung muas sei, owa oatngerecht!