a gauns a großes kind
text: w.v.wizlspergermusik: heinz ditsch
du bisd witzig ohne obsichd
du kaunsd bes wean ohne grund
du schdraumbfsd auf waunsd wos ned griagn kaunsd
und kaum hosd is hausd is dsaum
maunchmoi is ois fuachtboa wichtig, oft do hosd an hoss auf ois
du schmeißd tian und schreisd 'i geh jezz!', glei drauf foisd ma uman hois
du liagsd gean, owa talentlos, und daun duasd ois waun niggs wa
du kaunsd schdua sei wia dsehn esln, owa schdua sei kaun i ah
und daun hängsd dei heaz in wind … du bisd gauns a großes kind
du kaunsd hö und herzlich lochn
waun nebm dia si wea daschdeßd
du bisd boshofd, owa eahlich
maunchmoi wansd gauns afoch so
waun du schwidsd daun riachsd am bestn,
waunsd di schaumsd daun wiasd gauns schdü
amoi glaubsd du kaunsd ned gnua griagn, glei drauf is da ois vü dsvü
du bisd rücksichtslos und grausaum, und a ego hosd fia dswa
du kaunsd schdua sei wia dsehn esln, owa schdua sei kaun i ah
und daun hängsd dei heaz in wind … du bisd gauns a großes kind
du hosd ehrgeiz, bisd begeistert und so mochsd mas doppüd schwea
weu des bissl, wos i geisd hob, längsd scho pfiffn hod auf d'eah
du bisd giriech auf ois neiche, owa des is schlecht fia mi
weu i bin a oida drottl, giriech bin i nua auf di!
im septemba schbead da mai auf, ollasön hauds mi in d' blia
aundre hängan brav am dochbodn, i am roggdsipfü von dia
weu mas hian im bluad wegschwimmd
häng i a mei heaz in wind … wia a gauns a glanes kind