kalypso
text: w.v.wizlspergermusik: heinz ditsch
Odysseus saß wie sonst am Meeresufer und weinte,
sich sein Herz zerquälend mit Tränen und Seufzen und Schmerzen.
Über das Meer, das wogende, blickte er,
ihm wurden die Augen nicht mehr trocken von Tränen;
das süße Leben zerrann ihm, der sich nach Heimkehr sehnte;
denn nicht mehr gefiel ihm die Nymphe Kalypso;
sondern die Nächte wohnte er noch erzwungen der Göttin,
selbst nicht wollend der Wollenden, bei in der gewölbten Grotte.
seit joa und tog ka gscheides nochtmoi, ka wuascht, ka fleisch, ka kas, ka wei
nua necktar und ambrosia, do pfeif i aufs unschdeablich sei
mi reckts waun i des zeig nua riach, die zähnd foin aus und i vom fleisch
so hock i do, nua haut und bana und winsch ma schene fette reisch
ka wuascht, ka fleisch, kan kas, kan wei, nedamoi gramün hods ma brocht
i wü wos fests zum beißn haum, und sie nua schuasdan tog und nocht
beim schuasdan, jo, do is' dikk do, do hods a bodsn schbeisekoatn
lauta geile wödgerichte, feignparfaits und schokotorten
von koid bis woam, von siaß bis schoaf, sie kennd a jede schbezität
nua brauchad i die schbezitätn vü mea am tisch ois wia im bett
der langen rede kurza sinn:
i kaun nua waun i uandlich ogfüd bin. und so gaunz ohne saufn, ohne fressn
kaunsd des schuastan a vagessn …
sie wü schmusn und pussian, i a fette gauns transchian
sie brummt ois wia a trafohittl, i schrei noch an wienaschnitzl
sie schnuad und dsiagd sie laungsaum aus, i denk aun an bauanschmaus
sie mechad sie im bett nua pudln, i a rindsrula mid nudln
jo, i brauch gschdod dsoata bfiasichhaud, söchfleischgnedln mid an graud
sie is quasi uneasättlich … i wa zfriedn mid an rettich
i tauschad tausnd zwickabussaln, gegn a haundvoi gsoizne nussaln
weu schuastan ohne wos im bauch ...
… is wia a schdangal porree, ohne lauch
oder wie ein schönes altes brauchtum, aber gänzlich ohne brauch
oder wie ein schöner großer garten, ganz ohne alten baumbestand
oda quasi wia feia, gaunz ohne rauch sozusogn
oda wia a lüftal, wia a lüftal ohne an hauch
schustan ohne wos im bauch, is wie a lüftal ohne hauch, des is klassisch …
ma glauwads ned und sie wern lochn,
de kaun nedamoi an deppatn müabdag bochn!
gaunz geschweige denn a uandlichs brukkfleisch mochn
und mei benelobe daham, di kochd di olabestn sochn:
an austanauflauf in asbik, a bochans beiriad mid biree
currycrevetten mid chinakoi, donaudorsch aun dschuridoikn
erbsnreis und essigguakal, fausaufilee auf federnfarce
geamguglhubf mit grammügrilasch, halaszle aun hechthaschee
innarein in ingwasoß, jedazeit a jagajausn
koibskawanadln mid klachlkeks, laummlingaln bei lewalawaln
madeiramakronen mid marünmamalad, niernnockaln im nudlnetz
ochsnohrn aun oberskren, putnpörkölt mid pogatschaln
a quarglquartett im quittnquadrat, rehragout mid rode ruabm
schnecknsuiz und saure schöbal, turtltaubm auf tropfdagdadschgal
an undabeag zum untalegn, a vasaudes vahockads mid vanillevabutz
wüdwiaschd, wildwürste mit wacholderwuchteln, an yuconyac mid yggdrasil
an zöllazopf mid zwedschknzanda ... und x-lita wein!