irrtum
text: w.v.wizlspergermusik: horst chmela
Nenne mir, Muse, den Mann, den vielgewandten,
der vielfach wurde verschlagen, seit Trojas heilige Burg er zerstörte.
Vieler Menschen Siedlungen sah er und lernte ihr Wesen kennen
und litt auf dem Meer viel Schmerzen in seinem Gemüte,
um sein Leben bemüht und die Heimkehr seiner Gefährten.
da odiseeus is a oida rema, und demendschbrechend a vaduabm
ea huad, ea saufd, losds geaschtl rena, und schead si nix um sein glan buam
sei frau sitzt zhaus und häkald poistaln, sie head und siechd nix von da wöd
danebm da bua schdriggd haum und sockaln, jo, ma meakt das do da votta föd
chor: odiseeus kumm wieda noch hause, odiseeus du gesd uns so o
odiseeus moch amoi a pause; du woasd so laung scho nimma do
ea ruaft ned au tuat a ka koatn schickn, seit zwanzig joan ka steabmswuat
da bua wiad ghekald wengan schdriggn, auf des hinauf mecht ea a fuat
ea richt si zsaum und ged in votta suachn, die haubm und d' sockaln hadsd a ei
ea findt eam glei ums eck beim wiatn, komplett im ö um hoiwadrei
... und ea sogt:
chor: odiseeus kumm wieda noch hause, odiseeus kumm wieda retua
odiseeus moch amoi a pause, du hosd doch eh scho mea wia gnua
da odiseeus bschdöd a viadl weißn, daun schreid a gwea duachs ecklokal:
a bua dea schdriggd is dsbled zum scheißn!
… waunsd heagetuasd und rechnsd gaunz noamal.
de haubm und sockaln kaunsd da eireibm, pickts eich di poistaln aufn huad
dea gaunze heckl kaun ma gschdoin bleibm, i hau mi weida in die gluad
chor: weu a höd is a imma a schiggsoi, und a höd is ins schiggsoi valiabd
jo und i bin a höd und i bin a schiggsoi, bis i den hödntod daun schdiab
bis i an hödntod daun schdiab …