zizalweis
w.v.wizlsperger * heinz ditsch

maunche haums oft ziemlich eulich
dran si ham um d' nächsde ekn
mia is a launga obgaung heulich
i wü die botschn gmiadlich schdrekn

na, i ren ned gwea iwa a brukn
i brauch kan schdrigg und ka bisdoin
i wea a kane buifal schlukn
mi soi da deifü laungsaum hoin

i reiß mei bangal gauns bomale
weu ealich gsogt mia ged da reis
i moch mia a laungs finale
i zaleg mi zizalweis:

di lewa hod si topfa ghoidn
nua kumd ma fua in ledsda zeid
is gschrumpft zu ana soagnfoidn
jezz sauf i bis is nimma gfreid

a nian is eh seit joan scho hi
di zweite schikk i jezzt in d rentn
i bin ned siarig, woas a ni
weas wü kauns gean a no fawendn
weas wü kauns sea gean no fawendn

da mogn, di darm, des gaunze graffü
san eigandlich no ziemlich gsund
i haus jezz eine in a schaffü
des wiad da leichnschmaus fian tassilo
des is mei hund

a wochn drauf nua jo ned hezzn
wea i ma s beischl eggschdiabian
des kents auf an fiaka sezzn
und auf hchchchhüa daun weggafia

mei bumpal moch i no ned meia
des heb i ma füa muagn auf
zeascht schdobf i ma is hian in d' eia
so nimmt das leben seinen lauf
so nimmt das leben seinen lauf

am nächsdn dog is grau finale
i rizz man buis und leg mi nieda
woat bis heazal nimma globfd
draussd im goatn bliad da flieda
daweu ma zizalweis bomale
des bissal lebm in di betwäsch drobfd

re dur