woidfiadla in da rei
w.v.wizlsperger
/ heinz ditsch

so noch an hoatn togesritt
schneid i gean wiaschdln ei
daun dsind i ma a feial au
und schdö ma auf di rei
da mond geed auf, is wossa kocht
und scho schwimman drei
woidfiadla in da rei

di ressa hawan howan gean
karottn frisst da hos
da hund kiefüd an gnochn o
di kia beissn ins gros
i bin hoid auf wiaschdln haß
und hob a imma drei
woidfiadla in da rei

wiaschdln mid gree
wiaschdln mid sofd
woidfiadla miassns sei

«

da bär, da woif, da lux, da fux
hüäne und schakal
san schbizz auf meine woidfiadla
i find des gauns noamal
si lossn jeden bison schdee
fia ane von de drei
woidfiadla in da rei

waun d´zeitn amoi moga san
und dia is di brerii
daun reit i zu mein schwoga ham
auns eck von wounded knee
hängt ea mia daun an wuaschdgraunz um
daun bin i gean so frei
nua woidfiadla missns sei

wiaschdln mid gree
wiaschdln mid sofd
woidfiadla miassns sei

«

im wüdn westn wiasd ned oid
gauns wuaschd wiasd di eaneasd
wichtig is das d schnöla bisd
unds grasal wochsn heasd
waunsd laungsaum oda derrisch bisd
daun kochns di glei ei
wia woidfiadla in da rei

liegn mia amoi di neavn blaunk
und blaunk dsiag i den koit
kauns sei das i da deschek bin
und mi da geia hoit
ea bind si scho is bartal um
und gfreit si auf di drei
woidfiadla in da rei

wiaschdln mid gree
wiaschdln mid sofd
woidfiadla miassns sei

«

schee laungsaum ged is feia aus
di nochd is kloa und koid
i gschbia das s jezz auns schdeabm ged
wia da newü laungsaum foid
i los a guade nochred dsrugg
und dazua a no de drei
wuaschdheidln in da rei

wuaschdheidln in da rei
wuaschdheidln in da rei
«