schas mid gwastln
w.v.wizlsperger * h.ditsch

heite koch ma schas mid gwastln
eine wiener schbedsidät
des schlogd ned au
is gauns wos leichtes
heechstns das s a bissal blähd

is kochn faungd im köabal au
im eikaufsköabal wissns e
kaufns jo ka schoin, kan dsobfn
ka schuitascheazl ka file

ka hiefaschwanzl, ka faschiads
ka beiriad und kan gruschbüschbids
ka fettes meisl, a ka triasdl
kan kaum, kan schlep, kan gam, kan schlids

ka schdichfleisch, ka wangal
ka ludl, kan schlund
ka bradsal, ka kügal
kan eisbean, kan hund

an schas im gaunzn miassns sogn
sea guad oglegn leichd duachdsogn
den griagns in jedm wagalmoakt
lufddicht oboggt eahlich gwogn

daun nemans hea a oghauds reindl
und a schmoids von graunge schweindln
mochns olas uandlich haß
und daun eine mit dem schas

zwa schimplade frankfuata schee fein bassian
von an rachitischn dauwal die augn und is hian
– mit konjak schenian und eimagarian

des gaunze daun dsoat in den schas eimelian
– amoi bled schaun und im rohr gretinian
am schlus no den modschga mit rodwein blamian

– mit gneke ganian und brenheiß seawian

no und wos is mid di gwastln, die reicht man dazu?
– auf die gwastln wiad gschissn und jezz is a ruh!

torna