seyringa sandlaschdoiz
w.v.wizlsperger / h.ditsch, p.skrepek

gens gengans hea amoi gnä frau
und mochns ina ned ins hosal
schauns ina ruig mei ölend au
und hauns an eiro in des dosal

wos sogn, gnä frau, ich soll mich waschn?
ich schdink wie 10 tog mülidea?
jezz greifns owa schnö in inare daschn
fia diese frechheit reibms jezz glei an fünfa hea

«

oda no bessa glei an dsena
gebms inan heazzal doch an rukk
i kaun sofuat dsum wiatn rena
und si haum i guads gwissn dsrukk

wia bauns is sunst au, ina geaschdl?
fia foitngrem und hod kutia
und depat schaun im balee feaschtl
do is do gscheida si gebms mia

«

draussn in seyring
kenn i an glanan heirign
is viadl kost ansfuffzich
und wiad von ole globd
gee i duat eine
hasds nua 'gscheada, buzz dich!'
weu i hob fria amoi jorelaung
a vuaschdrof ghobd

wos sogn, gnä frau, i soi wos hakkln?
so gsegn in dem sinn haums jo recht
i bikkad sea gean wieda sakkln
nua is da moakt dafia grod schlecht

wos, waun i frogn deaf, mochn si denn
wauns ned grod ina hundsviech eissaln fian
sans a hofrodswitwe oda goa gschieden
tans in da rentn a bissal jus schdudian?

«

ah so, si schdehn noch im berufslebm
treuhänderin in wiadschafdssachen
woins is barawan easchd daun aufgebm
wauns inan ledsn schnaufa machen?

renans ned weg, sans ned glei augriad
legns doch an dswanzga bei mia au
daun schau ma wia a laungsam mea wiad
weu is göd sea fleissig sei kau

«

draussn in seyring
kenat i an glanan heirign
is viadl kosat nua ansfuffzich
und wiad von ole globd
gee i duat eine
hasds nua 'gscheada, buzz dich!'
weu i hob fria amoi jorelaung
a vuaschdrof ghobd

a grindigs fuffzgal, sans wo augrend!
haum si an schdich in da marün?
sans im solarium leichd aubreend?
dsua schdrof wiad der herr heinz
jezand ein hamonigasolo schbün
das ina di dauawön aufdrad
si siriche schasdrommü si ölendigiche
«