oid und blad
paul skrepek

hobts gheat es hod an grocha gmocht
de spotzn haums eh scho vo de dachln glocht
warum muass i´s ois letzta hean
do nutzt ka schimpfn do nutzt ka rean
de woama sun woa plötzlich koid
do denksta daun do gehri hoid

so siass und liab woa des vagnügn
i bitt eich goa sche i wüs ned drübn
weu olles wos si wirklich wü
i glaub i hobs gaunz gut im gfü
is trautes glück und harmonie
a wenns da denkst es is ois hi

ref.:
oid und blad woit i mit dia wean
vielleicht a bissal vur dia schdeabm
weu ohne di gibts kaan hamua
jeden tog sog i mas vua
i woit oid wean nua mit dia
sogs doch a amoi zu mia

«

wos mia no glocht haum übad leit
wira kind hob i mi gfreit
gaunz hamlich hod mas herz zadruckt
i bin daun imma a stickl zuwegruckt
i woits ned hean i woids ned gspian
i woitat ned de sun valian


waunst rechnst wia de zeit vageht
gibs zua a dia wiads maunchmoi zbled
de ewig gleiche prozedur
do kauns passian do kummts hoid vua
doch kränk di ned es geht vuabei
warum i waan i sogs da glei

ref.:
oid und blad woit i mit dia wean
vielleicht a bissal vua dia schdeabm
weu ohne di gibts kaan hamua
jeden tog sog i mas vua
i woit oid wean nua mit dia
sogs doch a amoi zu mia

«