die vier jahreszeiten
w.v.wizlsperger

im winta
im winta is oasch
waunsd zum schuastan gean in woid gesd
weu waun a schnee liegd
kaunsd rodln oda an schneemau baun
owa zum schuastan is dskoid
im winta, im woid

is fruahjoa
is fruahjoa is a hekkl
woam is, d vogaln singan
ollas bliad und üwahaubd
owa kaum liegsd ausgschoind untan holabuschn
losds da heagod uandlich tuschn
und daun schiffts und schiffts
und head ned auf
schuastan? pfeifal!
im gatsch woi ma uns a ned pudln!
owa guad, mia haum jo dseid
schuastan wea ma, nua ned heid

im summa
im summa glauwad ma, do warads leiwaund
bodn, nokad bazn in da sun
kaum schleksd ia die zechn trokn
wiads a scho wo aundaschd feichd
dein schdända grobsd in schoda ei
weu die leid scho olle schaun
owa kaum hods schwanzal si beruigd
tuasd ois dadasd wischaln geh, in woid
sie hint noch, so wia beschbrochn
jezz wiad gschuastat, hollaro!
owa auf amoi san die gössn do
do mochsd kann schdich, beim bestn wün ned
dsene schdechn mi in oasch
hundat saugn aun ihre tuttln
dausnd schdreidn si umd gleschn
da rest sauft ma die nudl aus
… geil und dibblad gemma dsaus

owa im heabst
im heabst do kennts eich d'uan frisian
do gibds kane gößn mea
es regnd ned vü und woam is a no
di sun, de is sche oid und schwea
und brend ned so ois wia im suma
jezz wiad gschuastat, hollaro!
wieda pfeifal! tausnd rosn!
mei madl hod si an aundan gnuma
mei madl hod an aundan jedsd
an dea wos daham gean wedsd
und i, i kaun man zupfn geh
in woid. owa boid, owa boid
kumd da winta, daun is dskoid ...

retour