iwaroi wochsn d' hoa
w.v.wizlsperger * h.ditsch

wia dsfrua oda dschbäd is wauns daun amoi dseid is
wia groß muas a hemd sei das' ums eizal ned bassd
waun wea ma d'n do sei wauns eh nimma weid is
wos kau ma ois ned wean wau ma graudwaschl haßd

wia fü is grod dswenig wia wenich is gnua
wia laung is fia imma und nimd des ewich ka end
foan d leid mea auf ualaub oda gengans auf kua
und haum ma ole in scheabm auf waun da huad nimma brend

i waß ned i waß ned do braud si wos dsaum
iwaroi wochsn d hoa owa niagands a kaum
da mensch is wos müabes und olas is eitl
und kaum wad a liftal scho schreins noch an scheitl
ob frisua ob rasua es hoidn beide ned laung
iwaroi wochsn d hoa owa niagands a kaum
iwaroi wochsn d' hoa, owa kaum wo a kaum

wos muas ma ois glaubm bis das ma sogn kau i waß
wo soit ma wos hidrogn, wo kennt ma wos flauchn
wia fü muas ma wissn bis das ma glaubt jedn schas
warum griagn nua de wos de wos eh niggs mea brauchn

warum biggd ma kachln wo hi wo's ned schbrizzd
wia fü kost a kostn wau ma d kostn hoibiad
wos mochsd mid an moßschuach dea wos nua tadllos sizzd
und is des ois nua a theata des wos a drama auffiad

i waß ned i waß ned do braud si wos dsaum
iwaroi wochsn d hoa owa niagands a kaum
da mensch is wos müabes und olas is eitl
und kaum wad a liftal scho dsiagns da an scheitl
ob frisua ob rasua es hoidn beide ned laung
iwaroi wochsn d hoa owa niagands a kaum
iwaroi wochsn d' hoa, owa kaum wo a kaum

dsu rük