irrtum
w.v.wizlsperger / horst chmela

Nenne mir, Muse, den Mann, den vielgewandten, der vielfach wurde verschlagen, seit Trojas heilige Burg er zerstörte. Vieler Menschen Siedlungen sah er und lernte ihr Wesen kennen und litt auf dem Meer viel Schmerzen in seinem Gemüte, um sein Leben bemüht und die Heimkehr seiner Gefährten.

da odiseus is a oida rema
und demendschbrechend a vaduabm
ea huad ea saufd losds geaschtl rena
und schead si nix um sein glaan buam

sei frau sitzt zhaus und häkald poistaln
sie head und siechd nix von da wöd
danebm da bua schdriggd haum und sockaln
jo,
ma meakt das do da votta föd

odiseus kumm wieda noch hause
odiseus du geesd uns so o
odiseus moch amoi a pause
du woasd so laung scho nimma do

«

ea ruaft ned au tuat a ka koatn schickn
seit zwanzig joan ka steabmswuat
da bua wiad ghekald wengan schdriggn
auf des hinauf mecht ea aa fuat

ea richt si zsaum und geed in votta suachn
die haubm und d´ sockaln hadsd a ei
ea findt eam glei ums eck beim wiatn
komplett im ö um hoiwadrei ... und ea sogt:

odiseus kumm wieda noch hause
odiseus kumm wieda retua
odiseus moch amoi a pause
du hosd do eh scho mea wia gnua

«

da odiseus bschdöd a viadl weissn
daun schreid a quea duachs ecklokal
a bua dea schdriggd is z´bleed zum scheissn
waunsd heageetuasd und rechnsd gaunz noamal

de haubm und sockaln kaunsd da eireibm
pickts eich di poistaln aufn huad
dea gaunze heckl kaun ma gschdoin bleibm
i hau mi weida in die gluad

weu a höd is a imma a schiggsoi
und a höd is ins schiggsoi valiabd
jo und i bin a höd und i bin a schiggsoi
bis i den hödntod daun schdiab
... bis i an hödntod daun schdiab

«