mid dreißg ins grob
text: skrepek & wizlsperger

weis wia schne
is da boad von meina sö
owa si gibts ned zua
das si so schded auf mi

waun i geh
tuat ma niggs mea we
owa si gibts ned zua
das si so schded auf mi

da mond geigt traualandla
dswa gschropm blean duet
sie feud nua umanaunda
schbeads eam in a gitabet

fakaufts mei gwaund
loßds mi vua ia schdeabm
liawa seu i mi o
ois oid und blad mid ia dswean

«

glaubts mi dsaum
i bin gaunz padea
mi hauts leicht um
weu i so schde auf sie

schleifds mi ham
i fadrog nix mea
und mi hauts leicht um
weu i so schde auf sie

da mond geigt traualandla
zwa aumschln rean um d´ wett
mi wandlds umanaunda
faliabd und blunznfett

«

lahnts mi au
legts mi in ansabob
fraunk, fraunk de frau
bringd mi mid dreißg ins grob

da mond geigt traualandla
zwa aumschln rean in schne
a oida fetzntandla
vagrobt sei portemonnaie

schauts mi au
wos i ma eibrogd hob
fraunk, fraunk de frau
bringd mi mid dreißg ins grob
fraunk, fraunk de frau
bringd mi mid dreißg ins grob
«