ginbummmusik
w.v.wizlsperger * christian gonsior

cognac obstler armanac, jägermeister becherovka
fernet scharlach underberg, rum aus kuba, grand marnier
portwein sherry doppelkorn, doornkat bourbon scotch mit eis
birnen zwetschken glögerbrand, wodka calvados cointreau

campari martini, geschüttelt gerührt, tequila metaxa maraschino

blue banana, bloody mary, rüschal bauchal vogelbeer
ricard pernod benediktine, ouzo raki grappa gin …

… bummmusik in schlurfpanier
plüschposaunen tauschtrompetn
a heazgrawua in mein leihklavier
sex on the beach, da koks liegt im köla
kumds dsads eich an auffe
daun haz' ma glei schnöla

heasd oida dei oide a waunsinn i boggs ned
mia schded glei ois auf wauns nua a so do schded
i griag mi ned ei scho alah wia de schaut
heasd oida dei oide a waunsinn de haut
mi auffe haut mi owe haut mi um und dsiagd mi auf
reisst mi eine reisst mi ume drad mi wia a ringlgschbü
weu sie mi wü du weh, weu bei mia imma ois ged
weus auf mi schded und du nua imma schausd bled
in dei cappy wodka bitte deng drau wos da dokta
dia vua joan scho gsogt hod
das dei mogn den vün zukka und di seire und den wodka
ned vatrogt hod
jezz hosd akne, jezz hosd bauchweh
und a softige colitis weu dei dickdarm
von dem gschloda gaunz entzundn und vapikkt is.
jo!

drum schleich di ham, nimm deine puivaln,
wikkl di ei in woame dekkn weu di rechnung
und das d' süwal hamkumd wea i lokka tschekkn

vielleicht foa ma no am koinbeag auffe auf an gachn hupfa,
waun da huat brennd gemma glei ums eck ins orient
auf an klanan tupfa rotwein! do foid ma grod ein:
das i zua zeit a bissl floch bin und di süwal seits bei dia is
a fost imma schdia is und des wa peinlich!
wau ma nochhea no wos trinkn gengan
und mia kenan daun di drinks ned brennan.
des wa peinlich! drum waß woascheinlich gaunz guat
waunsd ma befuasd di schleichsd drei kilo und dswa tschik
dazua no gawasd, nau des kaun jo ka problem sei
weu 's d' is sowieso da süwal oiweu fladasd
und daun kaunsd ham geh!

schleich di ham, nimm deine puivaln
wikkl di ei in woame dekkn, weu di rechnung
und das d' süwal hamkumd wea i lokka tschekkn!

denk an dei akne, denk auns bauchweh und d' colitis
di hauptsoch is das d' muagn in da hokkn wieda fit bist:
weu muagn hasds wieda audsahn, muagn hasds wieda hakkln
iwaroi woatns ole scho auf eanare pakkln
so a werbebeauftrakta kundnkontakta für trendaccessoires
mit statementcharakta muas topfit und in fuam sei
weu sunst schleichd si da wuam ei
di brantsche is hoat, da moakt is unerbittlich
du bist scho waach und nedamoi durchschnittlich

waunsd ned otschekkst das di süwal wia a trafohittl brummd
brauchsd di ned wundan das mid mia ged
damits endlich amoi kumd, und drum kaunsd hamgeh!

schleich di ham, nimm deine puivaln,
wikkl di ei in woame dekkn, weu di rechnung
und das d' süwal a kumd kaun i lokka tschekkn

denk an dei akne, denk auns bauchweh und d' colitis
ois werbebeauftrakta kundnkontakta für trendaccessoires
mit statementcharakta muass ma fit und in fuam sei
weu sunst schleichd si da wuam ei
di brantsche is hoat, da moakt is unerbittlich
owa du bisd nua waach und eha untaduachschnittlich

zurügg