fridattencouplet
w.v.wizlsperger * heinz ditsch, paul skrepek

auf mein beischdödischal daunzn d'süwafischaln
in da suppm drinan übm d'fridattn schwiman
und unta da oiddeitschn kommodn
do schrein und vamean si di grodn
chor: so a kostn kost d'höfte wau ma d'kostn hoibiad

untan schbizndekal schbüt a schnek vaschdekal
auf di zimmapflaunzn jausnan d'feiawaunzn
nua wegn mia brauchad i ka bideh
i los trotzdem schdeh fia meine wossafleh
chor: is bidet des bleibt schdeh fia di wossafleh

nau und di vichaln san gliklich
und a mia geds ned schlecht
a uadnung muas sei, aber artengerecht!
chor: a uadnung muas sei, owa oatngerecht!

eanan eignan wün haum meine hausschdaubmübm
daß sa si ned vakün, dans hintan ofn schbün
und in di eimochglasln in da schbeis
do nisdn seit joan hundat honigleis
chor: in da schbeis in di glasln do nisdn die leis

in mein tintnfassl schloft a köllaassl
in mein sundogsbrodn san am mondog d'modn
in mein aundsug foad a wundaschene grottnbaun
wos si d'mottn duat ledsdes joa gauns gschiggd eibaud haum
chor: di mottn foan grottnbaun seit das is haum

und di vichaln san gliklich
und a mia geds ned schlecht
a uadnung muas sei, owa oatngerecht!
jo a uadnung muas sei, owa oatngerecht!

mottn, modn, rozzn, meis
hausschdaubmübm, fridattn, leis
schbinarinnen, grodn, waunzn
ole gfrein si, ole daunzn:

d'glanan süwafischaln daunzn meistns offn
und da kakalak dea daunzd am bestn bsoffn
den takt dazua tan brav di köllaassln
midn köllaasslschlisslbundal rassln

jo, di vichaln san gliklich
und a mia geds ned schlecht
jo a uadnung muas sei, owa oatngerecht!
jo a uadnung muas sei, owa oatngerecht!

retour