franzi mama mizzi
j. brel * j. roman * 'deitscha' text: wvwizlsperger

schau, fraunz, du waßd, i drid boid oh
na, bitte sog ned 'geh des wiad scho no'
weu i kaun den bledsin nimma hean
du kaunsd schmäh fian, du kaunsd rean
i wia drodsdem demnächst schdeabm.

schau ned so bled, i schleich mi hoid
in viadln grechnd bin i eh scho oid
um jede hittn x-moi dsogn
nua bei dem kowara do obm
do bin i längst scho aussegflogn

drum bitte sing, bitte loch
bitte moch an muads bahö
weu dei singa, und dei lochn
wan daun d'fligaln fia mei sö

geh, mama, schau, du wiasd scho segn
in a boa joa scho kaunsd di dsu mia legn
i waß du bisd jezz ziemlich haß
weu du glaubst i moch da's z'fleiß
das i des bankal vua dia reiß.

du kaunsd mas glaubm, i geh ned gean
jezz wo grod d' schwäuwaln so sche wualad wean
und d' aumschln singan vua da tia
wauns mi jezz daun haud in d' blia
winsch i ma ans nua no vo dia:

bitte sing, bitte loch
bitte moch an muads bahö
weu dei singa, und dei lochn
woan imma fligaln fia mei sö

marie, i waß, du schdesd auf mi
auf wos genau des frog mi ned nua i
i wias a nimmamea eafoan
jo maunchmoi gibts des, das dswa noan
aunanaundgfressn wean geboan.

marie, baba, i warads daun
i winsch da glik und an vü bessan maun
ois wos i jemois füa di woa
du sogsd den gibds ned, des is kloa
drodsdem, waun i jezz einefoa

bitte sing, bitte loch
bitte moch an muads bahö
weu dei singa, und dei lochn
des san d' fligaln fia mei sö …

retour