fleischhokka
w.v.wizlsperger * martin zrost

wos nudsd an die schenste sau, fuadad mas und schauts nua au
woits a bradl in da rean, muas de sau a gschdochn wean
beischl, lewa, heaz und hian, vuahea muas de sau krepian

und die ochsn und die stia, gebm ka müch und eagan d'kia
wan nua guat zum wagal dsan, waun die fleischhocka ned wan
chor: hiefaschwanzl, meisl, schoin, so loss ma uns a rindsviech gfoin

ref.:
schnitzl, schdözzn und kare, söchschbegg, schinkn und file
jo schweindaln fuadan warad fad, wauns kan gab ders schlochtn dad
chor: wauns kan fleischhocka ned gab

i hob nix gegn a ochsngschbaun, owa liawa sans ma in da bfaun
ois beiriad, kügal, kruschbüschbids, scheazl, triastl, tofüschbids
chor: scheazal, beiriad, kruschbüschbids, aundascht hod a ox kan wids

i hob sea gean a fleisch im mogn, und kaun nedamoi a fliagn daschlogn
i kaun a ka bluad ned segn, owa a blunzn tua i sea gean megn
chor: ea kaun a ka bluad ned segn, owa a blunzn tuat a sea gean megn

ref.:
käsegreina brodwuaschd haße, debredsina und globaße
gabs nua wuaschdheid ohne fü, waß auf d'wiaschdlschdänd sea schdü
gabs nua wuaschdheid mid nix drin, gabs kan wiaschdlschdaund in wien
chor: gabs kan wiaschdlschdaund in wien

und miaßad i a viech dranschian, do dadad i mi sea schwea blamian
gauns valuan wa i und deschbarad
wauns mei oida freind und schulkamarad
da fleischhocka ned fia mi dad

ref.:
schnitzl, schdözzn und karee, söchschbegg, schinkn und file
jo schweindaln fuadan warad fad, wauns kan gab ders schlochtn dad
schweindaln fuadan warad öd, wauns da fleischhocka ned töt

retour