es schbüd si o
w.v.wizlsperger
/ wizlsperger KKK: martin zrost

mei glana bruada wiad boid onkl, nua mei nichde is ned daufd
mei kuseu hod günsdig aun sein schwoga, a oide woschmaschin vakaufd
und die nichde vo mein nochban, hod die dant vom dscho seggiad
weu da exmau von da quappil, hod sein schdiefsohn ane gschmiad

a schuikolleg vo mia vo fria, foad seit sechs joa an kadett
maunche sogn ea is a gniara, aundre findn eam sea nett
neilich ruafd mi au mei schwesta, i hobs afoch ignoriad
weu ia mau hod mid sein dsiesohn, grod die weihnochdswoa ausgfiad

jo, i kent no schdundnlaung dazön
nua fiacht i das des niemand intaresiad

«

da lewakas haßds wiad boid deira, heid aufd nochd gibds nua wos koids
in alfons seine schaud ma goa ned guad aus, da opa mand in alfons gfoids
muagn losd si mei jingsda scheidn, ea hod betwäsch imboadiad
da diregda von da voiksschui, hod si fuachdboa eschofiad

in meine augn hod des ka zukunft, ollaweu nua hollaro
aufstee saufn hilegn wieda aufstee, auf ans zwa drei bisd nimma do
a scheena summa woa des heia, i hob kaum delefoniad
zwa drei moi mid meina schwesta, weus in winta maturiad

i kent ihna no schdundnlaung so dazön
owa nua, wauns ina indressiad

«

die dschakeline mei kusine, wohnd in eichgrobm bei da dant
beruflich mochts is söwe wia da onki, odsiagbüdlfabrikant
da doggda rigla foad noch englaund, mia haum sea schön tarokiad
manchmoi bet i dsu mein heagod, das as weinhaus resdauriad
manchmoi bet a dsu sein heagod, das as weinhaus renowiad

votta unsa obm im himmü, meina sö i wü ned klogn
owa meisdns is hoid ned grod afoch, die binkaln san fost ned zum drogn
votta unsa obm im himmü, siechst du ned wia mia uns plogn
wau ma hi san wiasd uns richdn, owa jezz hosd nix zum sogn
wau ma hi san kaunsd uns richdn, nua jezz hosd nix zum sogn

«