dauns daun weida (a whiter shade of pale)

mia nippn seichd am tango
dan den deppich darokkian
i wia eh sea oft leichd schwindlich
und des gros foad ei ins hian
ausn dischduach schiassn schwammaln
ausn eisde rennd da schmäh
da köna frißd die dritte gnaggwuaschd
i bschdö dsfleiß an schahdoneh

sog iagandwos, nua leida
wea i kaum mea wos vaschde
gauns ahlah, a bissal woglad
daunsd daun weida … wundasche
«
jo, gestan woa no d'wiesn
a gmahds bett fia di und mi
heit is olas dsiemlich gnaggwuaschd
a gschöde batie
vielleichd woa im gros da hund drin
das di kozzn so laut schrein
a waunsd jezz glei wieda audaundsd
i wea drodsdem nimma bleibm

sog iagandwos, nua leida
wü i goa niggs mea vaschde
gauns ahlah, a bissal woglad
daunsd daun weida … wundasche
«
nau fia di is ois wia ualaub
halligalli jedn dog
i sizz do und friß a gnaggwuaschd
obwoi i gnaggwiaschd goa ned mog
i hob liawa koibsbarisa
oda iagandwos mid schbegg
du sogsd wiaschdln deprimian di
drodsdem frißd ma ole weg


sog iagandwos, nua leida
wü i goa niggs mea vaschde
gauns ahlah, a bissal woglad
daunsd hoid weida … wundasche

«