daun ke ma ge
text: w.v.wizlspergermusik: carlos gardel sus ojos se cerraron
wias i do umadum schdeds und gaunz betropezt dreischauts
do wiad sogoa a mia kloa: heit kum i nimma ham!
fia an dea sötn zhaus woa, wa des ka großes drama
nua do is ned grod lustig … i gangat liawa ham!
jezz faungts ned glei zum rean au, nua weu i red vom hamgeh
i bin ned in da gruabm gmödt, so hob i des ned gmand
i red vo meina wohnung, mein göbvatschiktn zimma
mein deppatgfressnan koda, voa oim red i vom wein
waun daun da gscheade aun di tia klopft sog i eam:
refrain:
tuns ihre pflicht, owa gebms ma no a schdundal
i mog ned ge stantapee in da sekundn
jo i waß eh, i hob ihna oft scho eiglond
i hob nie glaubt, daß daun echt amoi zeit hobm
gehns sans so liab, oda glaubms das i davoren?
i dads sofuat, waun i iwahaupt no schde kennt
amoi bled schaun, amoi no den koda streichln
amoi daham sei … daun ke ma ge!
ia dadads zimlich bled schaun, wauns ia eich jezz so segn dads
a jeda sogd des wiad scho, a jede hoit a haund
ia dsruggsds ma no di finga, dsabreslds ma di brozzn
vü mea wiad des heit nimma, und muagn kennts ois entsuagn
den gaunzn banahaufn, is heaz, di nian, di lewa
di sö kennts gean vakaufn, vü weats dafia ned griagn
i brauch ka letzte ölung von an bekifftn bfora
i schau nua bled ins ochtl, huach wia da koda schnuad
und waun da gscheade aun di tia klopft sog i eam:
refrain …