heazkaschbalboika
w.v.wizlsperger * h.ditsch, p.skrepek

vom schnuaboad drobfd entschlossnheid
die brust erfüllt ein sehnen
die eigaln glänzn kaumbfbereit
is bluad brennd in die wenen

die dsähnd san fest, da mogn fadaud
die lewa kaun wos schlukkn
nua seit mi d' gerda owehaud
tuats mia des heaz dsadrukkn
und i lieg nua mea am kanapee
und les faread mei EKG

waun des heazal aufhean duad zum schlogn
schlogt si des a auf d lewa und am mogn
und is beischl, die niandln und is hian
wean glei drauf in die rentn bäulisian
füa mei bumpal is nix mea bumpanswead
mit an bumpra brakkts mi unta d' ead
und de nosn, di eigaln und di uan
haum daun niggs mea auf dera wöd faluan

im schnuaboad bikkd da graudsolod
die brust erschdiggd ein gähnen
di eigaln schdian schdua keazngrod
is bluat schdaud si in d wenen

die dsähnd foin aus, di lewa schrumbfd
da mogn fadaud si söwa
rein psichisch bin i schwea batea
owa köapalich im kölla
und mei heaz schded schdü und zidad laud
seit mi di gerda owehaud

waun des heazal aufhean duad ...

retour