bepal

text: w.v.wizlsperger
musik: heinz ditsch


bepal:
wia kumds das si di besdn fraun
olaweu nua auf d' gresdn drotln haun
i waß es ned … mia is a wuaschd
i waß nua ans, des gute mädl
hod jedsd an echdn fezznschädl
a glane leichdn mid an großn duaschd

chor des gesunden hausverstands:
bepal blausch ned, bepal reiß di dsaum
du hosd no deine schdaumdischbriada
und de schenan weanaliada
rea uns ned di uan voi
dring no wos und loch amoi
bepal reiß di dsaum

bepal:
i griag olaweu den weisl
und ia schiggds mi dsum rean aufs heisl
es drotlgfriesa mochds mi graung
weu ia reds nua bled
und schraufds eich dsua
dsum lita dsoin do bin i guad gnua
auf soiche freind scheiß i scho laung

chor des gesunden hausverstands:
bepal schleich di, rea wem aundan au
dei raundsarei ged uns am dsaga
häng di auf min hosndraga
waunsd da nima dshöffn waßd
daun schau obsd unta d' schnöbaun baßd
bepal schleich di, bepal dra di ham